Um okkur

Auður lauk B.A. prófi í íslensku frá Háskóla Íslands vorið 2012 og meistaraprófi í talmeinafræðum frá Háskóla Íslands vorið 2014. Lokaverkefni hennar til meistaraprófs fól í sér forprófun á prófatriðum fyrir nýtt íslenskt málþroskapróf fyrir börn á aldrinum 4-6 ára. Auður starfaði áður hjá Talþjálfun barna á Selfossi. 

Okkar talþjálfun ehf var stofnað árið 2016 af fjórum talmeinafræðingum, Auði Hallsdóttur, Guðrúnu Blöndal, Ragnheiði Dagnýju Bjarnadóttur og Rakel Guðfinnsdóttur. Þær starfa allar sem talmeinafræðingar á stofunni. 

 

Við hjá Okkar talþjálfun bjóðum upp á greiningu, ráðgjöf og þjálfun vegna tal- og málmeina, raddmeina og kyngingartregðu. Skjólstæðingar okkar eru á öllum aldri, jafnt börn sem fullorðnir. 

 

Auður Hallsdóttir

Guðrún lauk B.Ed. prófi í grunnskólakennarafræðum frá Kennaraháskóla Íslands vorið 1997 og starfaði sem kennari og leikskólakennari til ársins 2008. Hún lauk meistaraprófi í talmeinafræðum frá Háskóla Íslands vorið 2015. Lokaverkefni hennar til meistaraprófs fól í sér að meta taltog sem meðferðarleið fyrir einstaklinga með málstol. Guðrún starfaði áður hjá Mál og tal talþjálfunarstofu í Hafnarfirði. 

Guðrún Blöndal

Ragnheiður lauk B.Ed. prófi í leikskólakennarafræðum frá Kennaraháskóla Íslands vorið 2003 og starfaði sem leikskólakennari til ársins 2011. Hún lauk meistaraprófi í talmeinafræðum frá Háskóla Íslands haustið 2014. Lokaverkefni hennar til meistaraprófs fól í sér að bera saman málsýni sex ára barna með og án málþroskaröskunar. Ragnheiður starfaði áður hjá Talþjálfun Reykjavíkur. 

Ragnheiður Dagný Bjarnadóttir

Rakel útskrifaðist sem sjúkraliði árið 2001 og starfaði á ýmsum sviðum heilbrigðisþjónustu sem slíkur til ársins 2006. Hún lauk B.Ed. prófi í grunnskólakennarafræðum frá Háskóla Íslands vorið 2011 og meistaraprófi í talmeinafræðum frá Háskóla Íslands vorið 2015. Lokaverkefni hennar til meistaraprófs fjallaði um kyngingartregðu hjá börnum með CP hreyfihömlun. Rakel starfaði áður hjá þjónustumiðstöðinni Miðgarði í Grafarvogi og Talstöðinni í Kópavogi. 

Rakel Guðfinnsdóttir

© 2020 Okkar talþjálfun ehf.  -  Höfðabakka 9, 110 Reykjavík  -  okkartal@okkartal.is  

  • Facebook App Icon